Félagsmiðstöðvar
Siglufjörður, Ólafsfjörður
Frístund
Frístund
Nemendum 1.-4. bekk Grunnskóla Fjallabyggðar gefinn kostur á frístundastarfi strax að loknum skólatíma frá kl. 13:35 - 14:35. Starfið er fjölbreytt og í samstarfi við íþróttafélög og tónlistarskólann.
Frístund er frístundastarf, samstarfsverkefni Fjallabyggðar, íþróttafélaga, tónlistarskólans og grunnskólans. Nemendum er boðið upp á að fara í Frístund í klukkustund, strax að lokinni kennslu grunnskólans. Starfið fer ýmist fram í íþróttahúsinu/sundlauginni /tónlistarskólanum eða grunnskólanum. Nemendum er keyrt á milli grunnskólans og íþróttahúss/sundlaugar í Frístund.
Aksturstafla skólabíls er sett saman með starf Frístundar í huga þannig að rútuferð er strax að lokinni kennslu fyrir þá nemendur sem ekki nýta Frístund og strax að lokinni Frístund fyrir þá nemendur sem ekki fara í Lengda viðveru.
Frístund er gjaldfrjáls en greitt er fyrir æfingar hjá íþróttafélögum og/eða fyrir einkatíma (söng- eða hljóðfæranám) hjá tónlistarskólanum.
Athugið að hægt er að nýta frístundastyrk ef hann hefur ekki þegar verið nýttur á þessu ári.
Frístundastyrkur Fjallabyggðar 2025
Hér er að finna upplýsingar um frístundastyrk Fjallabyggðar. Ef fleiri spurningar vakna er hægt að hafa samband við frístundafulltrúa Fjallabyggðar.
Frístundastyrkur á árinu 2025 er kr. 50.000.- pr. barn á aldrinum 4-18 ára.
i
Fyrir hverja er frístundastyrkur.
Til að starfsemi geti talist styrkhæf þarf námskeiðið/starfsemin að standa yfir í a.m.k. 10 klst. Starfsemin þarf að vera byggð á uppeldislegum gildum og forvörnum og fara fram undir stjórn/leiðsögn menntaðs fagaðila á sviði íþrótta og/eða tómstunda.
Vakin er athygli á að ekki er heimilt að flytja styrkinn á milli ára.
Tilgangur með frístundastyrk
Meginmarkmið frístundastyrkja er að öll börn og unglingar frá 4 - 18 ára aldurs í Fjallabyggð geti tekið þátt í uppbyggilegu frístundastarfi óháð efnahag eða félagslegum aðstæðum. Með frístundastyrknum má greiða að hluta fyrir íþrótta-, lista- og tómstundastarfsemi, á vegum félaga, samtaka og stofnana í Fjallabyggð. Frístundastyrkurinn eykur jöfnuð í samfélaginu og fjölbreytileika í iðkun íþrótta-, lista- og tómstundastarfsemi. Með frístundastyrknum skapast einnig möguleikar til nýrrar starfsemi og sérstakra verkefna sem beinast að ófélagsbundinni æsku.
Skráning á námskeið
Skráning á námskeið fer fram hjá viðkomandi félagi/fyrirtæki þar sem barnið stundar sitt frístundastarf.
Frístundastyrkur er rafrænn. Umsýsla fer öll í gegnum Sportabler
Hverjir geta ráðstafað styrknum?
Foreldrar og forráðamenn iðkanda/styrkþega sem eigi lögheimili eða stunda nám í Grunnskóla Fjallabyggðar. Að félagið/stofnunin sem nýtur greiðslunnar hafi lögheimili í Fjallabyggð og hafi gert samning um endurgreiðslu frístundastyrkja við Fjallabyggð. Að styrkþegi sé á aldrinum 4 – 18 ára miðað við fæðingarár. Að um skipulagt starf/kennslu/þjálfun sé að ræða. Að ekki verði óeðlilegar hækkanir á kostnaði við iðkun og æfingagjöldum. Styrkur getur aldrei orðið hærri en þátttöku- eða æfingagjald viðkomandi íþrótta- eða tómstundagreinar.
